Главная » 2015 » Апрель » 28 » 11 saylı cəzaçəkmə müəssisəsində dini maarifləndirmə tədbiri
05:20
11 saylı cəzaçəkmə müəssisəsində dini maarifləndirmə tədbiri
17 April, 2015 15:30:00
Ədliyyə Nazirliyi Penitensiar xidmətinin Dini Qurumlarla İş üzrə Dövlət Komitəsi ilə birgə hazırladığı tədbirlər planına əsasən məhkumların vicdan və dini etiqad azadlığının təmin edilməsi məqsədilə cəzaçəkmə müəssisələrində dini maarifləndirmə tədbirləri davam etdirilir.
Növbəti maarifləndirici tədbir 17 aprel 2015-ci il tarixdə Penitensiar xidmətin 11 saylı cəzaçəkmə müəssisəsində keçirilib. Seminarda Dini Qurumlarla İş üzrə Dövlət Komitəsinin əməkdaşı Cahandar Əlifzadə, Bakı Dövlət universitetinin Tarix fakultəsinin müəllimi ilahiyyatçı alim Saleh Kazımov, Tərbiyə İşinin Təşkili idarəsinin inspektoru ədliyyə baş leytenantı Elxan Səfərli və Penitensiar xidmətin digər məsul əməkdaşları iştirak ediblər.
Məhkumların iştirak etdiyi tədbirdə “Milli mənəvi dəyərlərimiz” mövzusunda seminar-treninq keçirilib. Azərbaycanın tolerantlıq modeli dünya üçün nümunə olduğu, dini konfessiya nümayəndələrinə qarşılıqlı hörmət və anlayışlı inanc aşılandığı məhkumların diqqətinə çatdırılıb.