30.10.2013-cü il tarixdə 13 nəfər vətəndaş Ədliyyə orqanlarında qulluğa qəbul olunaraq Penitensiar xidmətdə kiçik rəis heyətində vəzifələrə təyin olunmuşlar. Ədliyyə nazirinin müavini Penitensiar xidmətin rəisi ədliyyə general-leytenantı Mədət Quliyev qulluğa qəbul olunmuş gənc əməkdaşları təbrik etmiş, onlara ədliyyə orqanlarında qulluq keçərkən uğurlar arzulamışdır.
Ədliyyə orqanlarında qulluğa yeni qəbul olunmuş gənc əməkdaşlar
Penitensiar xidmətin tarix muzeyinə baxış keçirmişlər. Muzeyin
Heydər Əliyev guşəsində Ümummilli liderin həyat və fəaliyyətini,
onun müasir Azərbaycanın inkişafı uğrunda əldə etdiyi
nailiyyətləri əks etdirən fotoşəkillərlə, həmçinin, xidmətin
fəaliyyətinə aid olan eksponatlarla tanış olmuşlar.
Penitensiar xidmətin İctimaiyyətlə əlaqələr şöbəsi
