Главная » 2016 » Апрель » 30 » 2, 9 və 17 saylı cəzaçəkmə müəssisələrində maarifləndirici tədbirlər keçirilib
13:57
2, 9 və 17 saylı cəzaçəkmə müəssisələrində maarifləndirici tədbirlər keçirilib
12-04-2016, 14:53
“Narkomaniyaya qarşı mübarizəyə dair 2013-2018-ci illər üçün Dövlət Proqramı” çərçivəsində penitensiar müəssisələrdə maarifləndirici tədbirlər davam etdirilir.
Ədliyyə Nazirliyi Penitensiar xidmətinin 2, 9 və 17 saylı cəzaçəkmə müəssisələrində “Narkomaniyaya yox deyirik!” devizi altında tədbirlər keçirilib.
Tədbirlərdə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası İşçi Qrupunun və Respublika Narkoloji Mərkəzinin əməkdaşları tərəfindən narkotikin insan orqanizminə göstərdiyi məhvedici təsir, cəmiyyətə vurduğu zərər, törətdiyi sosial bəlalar haqqında ətraflı məlumat verilib və narkomaniyadan əziyyət çəkən övladın ailənin başına gətirdiyi müsibətlərdən bəhs edən “Bəla” pyesi nümayiş etdirilib.
Sonda məhkumlara müvafiq məzmunda maarifləndirici bukletlər paylanılıb.