Penitensiar
xidmətin və 3 saylı İstintaq təcridxanasının əməliyyat aparatları
tərəfindən müəssisəyə qadağan olunmuş əşyaların keçirilməsi cəhdinin
qarşısı alınmışdır.
25.05.2013-cü
il tarixdə həyata keçirilmiş əməliyyat-axtarış tədbirləri nəticəsində 3
saylı İstintaq təcridxanasında 1970-ci il təvəllüdlü, Azərbaycan
Respublikası Cinayət Məcəlləsinin 126.1 maddəsi ilə təqsirləndirilən
şəxs qismində saxlanılan Rasim Ramiz oğlu Ağaməmmədova vətəndaş Əziz
Novruz oğlu Əhmədovun gətirdiyi sovqata baxış keçirilən zaman "Jalə”
şirəsi qutusunun içərisində gizlədilmiş 1(bir) ədəd "Nokia” markalı
mobil telefon aparatı aşkar edilərək götürülmüşdür.
Fakt üzrə araşdırma aparılır.
Penitensiar xidmətin İctimaiyyətlə əlaqələr şöbəsi.
27.05.2013
http://penitensiar.justice.gov.az/xeberler/545.html