Пенитенциарные учреждения Азербайджана

1-04-2016, 17:01
Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində Bakı İstintaq təcridxanasında saxlanılan, Azərbaycan Respublikası Cinayət Məcəlləsinin 234.1-ci maddəsi ilə təqsirli bilinərək həbs edilmiş şəxs Təbriz Rövşən oğlu Ağalarovun yanına qısamüddətli görüşə gəlmiş həyat yoldaşı, Bakı şəhər sakini Svetlana Yuryevna Lısenko və anası Tamilla Tofiq qızı Ağalarovanın üzərinə və gətirdiyi sovqatlara baxış keçirilən zaman Svetlana Yuryevna Lısenkonun alt paltarının içərisində xüsusi üsulla gizlətdiyi bir ədəd şəffaf sellofan bükülüdə ümumi çəkisi 0,929 qram olan narkotik vasitə - tiryək aşkar edilərək götürülüb.

Həyata keçirilmiş daha bir axtarış-baxış tədbirləri nəticəsində etapla Bakı İstintaq təcridxanasına gətirilən Azərbaycan Respublikası Cinayət Məcəlləsinin 177.2.1; 177.2.3 və 177.2.4-cü maddələri ilə təqsirli bilinərək həbs edilmiş şəxs Heydər Müslüm oğlu Qasımlının üzərinə və əşyalarına baxış keçirilən zaman, gətirdiyi paketdəki çörəyin içərisində xüsusi yolla gizlədilmiş, daxilində “SİM” danışıq kartı olan 1 ədəd “Nokia” markalı mobil telefon aparatı aşkar edilərək götürülüb.

İctimaiyyətlə əlaqələr şöbəsi

01.04.2016

http://penitensiar.justice.gov.az/news/132-01042016-bak-stintaq-tcridxanasna-qadaan-olunmu-yalarn-keirilmsin-qar-mbariz-tdbirlri-davam-etdirilir.html