Главная » 2012 » Август » 5 » Cəza çəkənlərin cəmiyyətlə sosial əlaqələrinin möhkəmləndirilməsi
04:00
Cəza çəkənlərin cəmiyyətlə sosial əlaqələrinin möhkəmləndirilməsi
04.06.2012 - Cəza
çəkənlərin cəmiyyətlə sosial əlaqələrinin möhkəmləndirilməsi
istiqamətində Penitensiar xidmətin tabe qurumlarında tədbirlərin
keçirilməsi davam etdirilir
04.06.2012-ci il tarixdə Penitensiar xidmətin
Tərbiyə müəssisəsində "Ümidli gələcək” gənclər təşkilatının
təşəbbüsü və Tərbiyə müəssisəsinin Himayəçilik şurasının dəstəyi
ilə Hollandiyanın "Mən komandayam” idman təşkilatının
mütəxəssisləri tərəfindən tərbiyə olunanlarla müxtəlif idman
növlərində yarışlar keçirilmişdir.
Tərbiyə müəssisəsinin rəisi, ədliyyə mayoru Arif Mirzəyev
iştirakçıları salamlayaraq tədbir haqqında məlumat verdi. Qeyd
olundu ki "Ümidli gələcək” gənclər təşkilatının təşəbbüsü ilə
müəssisədə idman tədbirlərinin keçirilməsi artıq ənənə halını
almışdır.
Təşkilatın üzvləri – Kəmalə Aşımava, Kəmalə Bağırova və Elxan
Mərdanlı, eləcə də Hollandiyalı qonaqlar – Peter Ottens və
Giannini Giancarlo Olieberq çıxış edərək komanda yarışlarının
keçirilməsində əsas məqsədin yeniyetmələr arasında
kollektivçilik ruhunun, ümumi mənafeyə xidmətin aşılanması
olduğunu vurğulamışlar.
Tədbirdə iştirak edən Tərbiyə müəssisəsinin Himayəçilik
şurasının sədri Xalidə Bayramova belə tədbirlərin təqdirəlayiq
olduğunu və Himayəçilik şurasının da daim nəzarətində
saxlanıldığını bildirdi. Himayəçilik şurasının adından məhkumlar
üçün müəssisəyə bir ədəd müasir tipli camaşır makinası hədiyyə
edildi.
Məhkum Bayramov Cavanşir Vüqar oğlu cəzasının sonu ilə azad
edildi. Məhkumun valideyninin, qonaqların və Penitensiar xidmət
əməkdaşlarının iştirakı ilə ona buraxılış vərəqəsi təqdim
olundu.
Daha sonra hollandiyalı mütəxəssislərin iştirakı ilə məhkum
tərbiyə olunanlardan ibarət komandalar arasında futbol və
basketbol oyunları keçirilmiş, qaliblər təşkilatçılar tərəfindən
mükafatlandırılmışlar.
Penitensiar xidmətin ictimaiyyətlə əlaqələr şöbəsi
