Главная » 2014 » Декабрь » 17 » Cəzaçəkmə müəssisələrindən azad olunmuş gənclərin sosial adaptasiyasına həsr olunmuş tədbir
09:15
Cəzaçəkmə müəssisələrindən azad olunmuş gənclərin sosial adaptasiyasına həsr olunmuş tədbir
05 December, 2014 17:05:00
02.12.2014-cü il tarixində “Caspian Plaza” otelinin konfrans zalında Ədliyyə Nazirliyi Penitensiar xidmətin əməkdaşlarının, hüquqşünasların, Ombudsman Aparatının, beynəlxalq təşkilatların və QHT nümayəndələrinin iştirakı ilə “Gənc hüquqşünas qadınlar hüquqi islahatlar uğrunda” İctimai Birliyi tərəfindən “Cəzaçəkmə müəssisələrindən azad olunmuş gənclərin sosial adaptasiyası və onların reabilitasiyası işinin təşkili” layihəsinə həsr edilmiş tədbir təşkil edilib. Tədbirin məqsədi cəzaçəkmə müəssisələrindən azad olunmuş gənclərin yenidən cəmiyyətdə adaptasiya olunmaları üçün şəraitin yaradılmasına yardım etməkdən ibarət olub. Tədbirdə “Gənc hüquqşünas qadınlar hüquqi islahatlar uğrunda” İB-nin və Ombudsman Aparatının əməkdaşları mövzu ilə bağlı geniş çıxış ediblər. Penitensiar xidmətin əməkdaşları da öz növbələrində aidiyyəti sualları cavablandırıb və cəzaçəkmə müəssisələri tərəfindən hər ayın sonunda cəza müddətinin sonuna üç ay qalmış bütün məhkumların sosial göstəricilərini əks etdirən müvafiq siyahıların Əmək və Əhalinin Sosial Müdafiəsi Nazirliyinə göndərildiyini diqqətə çatdırıblar.