Пенитенциарные учреждения Азербайджана

Saxlanılan şəxslər növbə ilə yatmağa məcbur olurlar

İşgəncələrə Qarşı Azərbaycan Komitəsinin sədri Elçin Behbudov və köməkçisi Elçin Şirinov Daxili İşlər Nazirliyinin (DİN) tabeliyində olan müvəqqəti saxlanma yerlərində monitorinq keçiriblər. E. Behbudovun APA-ya verdiyi məlumata görə, Hacıqabul, Ağcabədi, Tərtər, Mingəçevir, Yevlax, Bərdə Rayon Polis Şöbələrinin müvəqqəti saxlanma yerlərində aparılan monitorinqlər zamanı işgəncə və qeyri-insani rəftarla bağlı şikayət edən olmayıb: "Lakin bəzi nöqsanlar aşkar olunub. Monitorinqlərin nəticələri barədə arayışla daxili işlər naziri Ramil Usubova məlumat verəcəyəm”.E.Behbudov Qarabağ zonasında monitorinqlər keçirərkən saxlanılan şəxslər Ədliyyə Nazirliyi Penitensiar Xidmətinin 2 saylı Gəncə İstintaq Təcridxanasından şikayət etdiklərini deyib: "Onlar bildirdilər ki, 5 nəfərlik kamerada 10 nəfəri saxlayırlar. Bunun üçün də onlar növbə ilə yatmağa məcbur olurlar”.
E.Behbudov bununla bağlı ədliyyə naziri Fikrət Məmmədova müraciət edəcəyini də deyib.

http://bizimyolinfo.com/?sehife=1&xeber=8206