| Ədliyyə Nazirliyi yanında Penitensiar sistemə nəzarət üzrə İctimai Komitənin yeni tərkibi bəlli olub. Bu barədə Reportyorların Azadlıq və Təhlükəsizlik İnstitutuna (RATİ) İctimai Komitənin üzvü Sahib Məmmədov məlumat verib. Onun sözlərinə görə, dünən (14 yanvar) 4-cü tərkibinin ilk iclasında koordinator seçkisi keçirilib. “Mən öz koordinator vəzifəsinə namizədliyimi geri götürdüm. Konstitusiya Araşdırmaları Fondunun rəhbəri, millət vəkili Əliməmməd Nuriyev koordinator seçildi” – deyən Sahib Məmmədov əlavə etdi ki, Komitənin tərkibində dəyişiklik olub. “Komitə 10 nəfərdən ibarətdir. Əvvəlki tərkibdə olan Elçin Behbudov, Səadət Bənənyarlı və Kamil Səlimov artıq komitədə təmsil olunmurlar. Həmçinin 2 nəfər yeni üzv Nazir Quliyev və Şahin Camalov seçilib” – deyə S.Məmmədov vurğuladı. Ədliyyə Nazirliyi yanında İctimai Komitənin yeni tərkibində İradə Cavadova, Zəlihə Tahirova, Çingiz Qənizadə, Əliməmməd Nuriyev, Sahib Məmmədov, Elmari Məmişov, Elmira Ələkbərova, Səidə Qocamanlı, Nazir Quliyev və Şahin Camalov təmsil olunurlar.
MƏLUMATLARIMIZDAN İSTİFADƏ EDƏRKƏN RATİ-YƏ İSTİNAD EDİN Reportyorların Azadlıq və Təhlükəsizlik İnstitutu (RATİ)
Ünvan: Azərbaycan, Bakı şəh., Behbudov 8, mənzil 85/86
tel: (+99 412) 418-03-34, fax: (+ 99 412) 598-45-19
24 saat ərzində aktiv olan qaynar xətt: (+ 994 055) 816 40 04
e-mail: irfs.az@gmail.com
web: www.irfs.az skype: irfs.az
|
