Azərbaycan Respublikası Milli Məclisinin 07.05.2013-cü il tarixli Amnistiya Qərarının cəzaçəkmə müəssisələri üzrə icrası davam edir.
24.05.2013-cü il tarixdə Amnistiya Qərarı Penitensiar xidmətin tabeliyində olan cəzaçəkmə müəssisələri üzrə daha 48 nəfər məhkuma şamil edilmişdir.
Qəbul olunmuş qərarlar əsasında 24.05.2013-cü il tarixədək Amnistiya Qərarı Penitensiar xidmətin tabeliyində olan cəzaçəkmə müəssisələrində saxlanılan 690 nəfər məhkuma tətbiq edilmişdir.
Amnistiya Qərarının icrası Penitensiar xidmətin müvafiq Komissiyasının, Ədliyyə naziri yanında fəaliyyət göstərən İctimai Komitənin, digər dövlət və qeyri-hökumət təşkilatı nümayəndələrinin və eləcə də vətəndaş cəmiyyəti üzvlərinin iştirakı ilə həyata keçirilir.
Tədbirlərin kütləvi informasiya vasitələrində işıqlandırılması təmin edilmişdir.
Amnistiya Qərarının icrası davam edir.
Penitensiar xidmətin ictimaiyyətlə əlaqələr şöbəsi.
24.05.2013
