Главная » 2012 » Август » 5 » 8 və 12 saylı cəzaçəkmə müəssisələrinin yerləşdikləri ərazidə baş vermiş təbii fəlakət barədə
04:03
8 və 12 saylı cəzaçəkmə müəssisələrinin yerləşdikləri ərazidə baş vermiş təbii fəlakət barədə
19.06.2012-ci il tarixdə saat 17:40
radələrində Ədliyyə Nazirliyinin Penitensiar xidmətinin 8 və 12
saylı cəzaçəkmə müəssisələrinin yerləşdikləri ərazidə normal
hava şəraitində təxminən 1(bir) dəqiqə davam edən burulğanla
müşaiət olunan güclü qasırğa nəticəsində qeyd olunan
müəssisələrin 110 metr uzunluğunda əsas və yardımçı hasarları
uçmuş, hər iki müəssisənin azbest şiferindən olan dam örtükləri,
elektrik dirəkləri, işıq və rabitə xətləri sıradan çıxmış,
rabitə əlaqəsi kəsilmişdir.
Fövqəladə hadisə barədə məlumat daxil olduğu andan xidmət üzrə
həyəcan siqnalı elan olunmuş, tabe qurumlar səfərbər olunaraq
hadisə yerinə göndərilmiş, Daxili işlər nazirliyinin, Fövqəladə
hallar nazirliyinin və Azərenerji ASC-nin müvafiq qurumları
əraziyə cəlb olunmuşlar.
8 və 12 saylı cəzaçəkmə müəssisələrində təhlükəsizliyin təmin
olunması, o cümlədən ayrı-ayrı məhkumların təbii fəlakətdən
istifadə edərək qaçmasının qarşısını almağa yönələn
təxirəsalınmaz tədbirlərin görülməsi təmin edilmişdir.
Hal-hazırda səfərbər olunmuş qüvvələrin köməyi ilə və mövcud
vasitələrdən istifadə olunmaqla baş vemiş gözlənilməz təbii
fəlakətin nəticələri aradan qaldırılır.
Cəzaçəkmə müəssisələrində vəziyyət stabildir.
