Naxçıvan
Muxtar Respublikasının İnsan Hüquqları üzrə Müvəkkilinin
(Ombudsmanın) Preventiv mexanizm qrupunun üzvləri tərtib
olunmuş cədvəl əsasında Naxçıvan Muxtar Respublikası Daxili
İşlər Nazirliyinin Müvəqqəti Saxlama Təcridxanasına, Naxçıvan
Qarnizonunun Hauptvaxtına və Naxçıvan Muxtar Respublikası
Ədliyyə Nazirliyi Penitensiar Xidmətinin Qarışıq Rejimli
Cəzaçəkmə Müəssisəsinə və İstintaq Təcridxanasına başçəkmələr
həyata keçirmişlər.
Qrupun
üzvləri başçəkmələr zamanı həmin müəssisələrdə saxlanılan
şəxslərin saxlanma şəraiti ilə tanış olmuş, onların şəxsi
işlərinə və saxlanılanların qeydiyyatı kitablarına baxış
keçirmiş, həmçinin işçi heyətin onlarla rəftarı, tibbi
xidmətin vəziyyəti, qida rasionu, qidanın keyfiyyəti
vəziyyətini diqqət mərkəzində saxlamışlar.
Həyata
keçirilən başçəkmələr zamanı saxlanılan şəxslərlə qrup
şəklində və təkbətək çoxsaylı söhbətlər aparılmışdır.
Söhbətlər zamanı həmin şəxslər bu müəssisələrdə saxlanma
şəraitindən, qidanın keyfiyyətindən və onlara qarşı rəftardan
narazılıq etməmişlər. Başçəkmələr zamanı Preventiv mexanizm
qrupunun üzvləri tərəfindən hər hansı pozuntu halları müşahidə
edilməmişdir.
Başçəkmələr
zamanı bəzi informasiya vasitələrində Məmməd Qurbanov və Nadir
Məmmədovun guya incidilmələri ilə bağlı yazılan əsassız
məlumatlar öz təsdiqini tapmamışdır. İstintaq Təcridxanasında
saxlanılan Məmməd Qurbanov və Nadir Məmmədov saxlanma
şəraitindən, o cümlədən onlara qarşı rəftardan narazılıq
etməmişlər. Göründüyü kimi, bu barədə "hüquq müdafiəçilərinin”
əsassız məlumatları boş hay-küydən başqa bir şey deyildir.
Saxlanılan
şəxslərlə aparılan söhbətlər zamanı onlara hüquq və
vəzifələri, həmçinin "Naxçıvan Muxtar Respublikasının İnsan
Hüquqları üzrə Müvəkkili (Ombudsman) haqqında” Naxçıvan Muxtar
Respublikası Qanununun müddəaları haqqında ətraflı məlumat
verilmişdir.
26 dekabr
2012-ci il
http://xalqqazeti.com/az/news/social/28983