Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində 2 saylı cəzaçəkmə müəssisəsində cəza çəkən, Azərbaycan Respublikası Cinayət Məcəlləsinin 181.2.5 maddəsinə əsasən azadlıqdan məhrum edilmiş məhkum Ramin Muxtar oğlu Atakişiyevin yanına qısamüddətli görüşə gəlmiş qohumu vətəndaş Ramil Oqtay oğlu Daniyevin gətirdiyi sovqata və üzərinə baxış keçirilən zaman, yeməklə dolu qazanın içərisində düzəldilmiş gizli saxlanc yerindən 2(iki) ədəd “Nokia” markalı mobil telefon aparatları, 2(iki) ədəd elektrik qidalandırıcısının hissələri və 2(iki) ədəd qulaqcıq aşkar edilərək götürülmüşdür.
Fakt üzrə araşdırma aparılır.
Penitensiar xidmətin İctimaiyyətlə əlaqələr şöbəsi.
04.08.2014
