Пенитенциарные учреждения Азербайджана

Yeni Müsavat, 2011-11-16

Sabiq nazirin iddiası təmin edilmədi

Bakı Apelyasiya Məhkəməsində həbsdə olan sabiq səhiyyə naziri Əli İnsanovun birinci instansiya məhkəməsinin qərarından verdiyi apelyasiya şikayəti əsasında məhkəmə prosesi başa çatıb. APA-nın xəbərinə görə, prosesdə apelyasiya şikayətinin təmin olunmaması barədə qərar qəbul olunub. Birinci instansiya məhkəməsinin qərarı dəyişdirilməyib.

Qeyd edək ki, Ə. İnsanov saxlanıldığı 13 saylı cəzaçəkmə müəssisəsində vəkilləri ilə görüşə şərait yaradılmadığını əsas gətirərək Ədliyyə Nazirliyi Penitensiar Xidməti və 13 saylı cəzaçəkmə müəssisəsinə qarşı müdafiə hüququnun həyata keçirilməsinə şərait yaradılması və hərəkətin qanunsuz hesab olunması barədə iddia ərizəsi ilə 1 saylı Bakı İnzibati-İqtisad Məhkəməsinə müraciət edib. Lakin məhkəmə şikayət ərizəsini təmin etməyib. Həmin qərardan isə apelyasiya şikayəti verib. 

Xatırladaq ki, Ə. İnsanov Bakı Ağır Cinayətlər Məhkəməsinin hökmü ilə əmlakı müsadirə olunmaqla 11 il müddətinə azadlıqdan məhrum edilib.

Xəbər xidməti

http://www.musavat.com/new/%C3%96lk%C9%99/112240-%C6%8FL%C4%B0_%C4%B0NSANOVUN_H%C6%8FBSXANA_R%C6%8FHB%C6%8FRL%C4%B0Y%C4%B0ND%C6%8FN_%C5%9E%C4%B0KAY%C6%8FT%C4%B0N%C6%8F_BAXILDI