Главная » 2014»Декабрь»17 » Müəssisələrə telefon keçirmək cəhdlərinin qarşısı alınıb
09:22
Müəssisələrə telefon keçirmək cəhdlərinin qarşısı alınıb
08 December, 2014 11:48:00
Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində 11 saylı cəzaçəkmə müəssisəsində cəza çəkən, Azərbaycan Respublikası Cinayət Məcəlləsinin 178.2.1; 178.2.2 və 178.2.4 maddələrinə əsasən 6 il müddətinə azadlıqdan məhrum edilmiş məhkum Mais Abbas oğlu Abbasovun yanına qısamüddətli görüşə gəlmiş atası, Bakı şəhər sakini vətəndaş Abbas Kərəm oğlu Abbasovun görüş otağında üzərinə və əşyalarına baxış keçirilən zaman gödəkçəsinin cibindən daxilində danışıq kartı olan 1 ədəd “Nokia 6230” markalı mobil telefon aparatı aşkar edilərək götürülüb.
Ədliyyə Nazirliyinin Penitensiar xidmət əməkdaşları tərəfindən həyata keçirilmiş növbəti axtarış-baxış tədbiri nəticəsində Bakı İstintaq təcridxanasında saxlanılan, Azərbaycan Respublikası Cinayət Məcəlləsinin 120.2.1; 120.2.4 və 120.2.5 maddələrinə əsasən həbs edilmiş şəxs Oqtay Qabil oğlu Zəkiyevin yanına qısamüddətli görüşə gəlmiş xalası qızı, Gəncə şəhər sakini vətəndaş Şöhlə Saleh qızı Həsənlinin üzərinə və əşyalarına baxış keçirilən zaman alt paltarının içərisindən daxilində danışıq kartı olan 1 ədəd “Nokia” markalı mobil telefon aparatı aşkar edilərək götürülüb.
Hər iki fakt üzrə araşdırma aparılır
İctimaiyyətlə əlaqələr şöbəsi
08.12.2014
http://penitensiar.justice.gov.az/xeberler/1456.html
