18 September, 2014 16:44:00
Bu gün Ədliyyə Nazirliyi Penitensiar xidmətinin qadın məhkumların saxlanıldığı 4 saylı cəzaçəkmə müəssisəsində tədbir keçirilib.
Ombudsman aparatının, Səbail rayon İcra Hakimiyyətinin və Penitensiar xidmətin birgə təşkil etdiyi tədbir Milli Musiqi Gününə həsr olunub. Bayram konsertində Azərbaycan Respublikasının İnsan Hüquqları Üzrə Müvəkkili Elmira Süleymanova, Səbail rayon İcra Hakimiyyəti başçısının müavini Xalidə Bayramova və Penitensiar xidmətin məsul əməkdaşları iştirak ediblər. Məhkum qadınların görüşünə gəlmiş müğənni Rəqsanə İsmayılova onların qarşısında konsert proqramı ilə çıxış edib.
Sonda məhkumlar üçün bayram süfrəsi təşkil olunub.
İctimaiyyətlə əlaqələr şöbəsi.
18.09.2014
