Пенитенциарные учреждения Азербайджана

01 June, 2014 10:30:00
Ədliyyə Nazirliyinin Penitensiar xidmətinin tabeliyindəki qurumlarda şəxsi heyətə və xüsusi kontingentə fövqəladə hallar zamanı zəruri davranışın aşılanması məqsədilə növbəti tədbirlər 7,12,13,14,16 saylı cəzaçəkmə müəssisələrində və Həbsxanada keçirilmişdir.
Penitensiar xidmətin Mühafizə texnikası şöbəsi tərəfindən təşkil olunan təlimlərdə şəxsi heyətin üzvlərinə və xüsusi kontingentə yanğın təhlükəsi zamanı həyata keçiriləcək təhlükəsizlik tədbirləri izah olunmuş, xüsusi vasitələrdən istifadə qaydaları nümayiş etdirilmişdir.
Təlimlərdə Penitensiar xidmətin Mühafizə texnikası şöbəsinin məsul əməkdaşları, cəzaçəkmə müəssisələrinin rəhbərliyi, şəxsi heyətin və xüsusi kontingentin üzvləri iştirak etmişlər. Müəssisələrdə fəaliyyət göstərən könüllü yanğından mühafizə dəstələrinin fövqəladə hallar zamanı hərəkətləri, yanğınsöndürən avtomobildən istifadə olunma qaydaları və xüsusi kontingentin təxliyəsi məşq etdirilmişdir. Təhlükəsizlik qaydalarına ciddi əməl olunmaqla keçirilən təlimlər müvəffəqiyyətlə başa çatmışdır.

Penitensiar xidmətin İctimaiyyətlə əlaqələr şöbəsi.

FOTO - http://penitensiar.justice.gov.az/xeberler/1172.html