"Azadlıqdan məhrum etməyə məhkum olunmuşların cəzanın qalan hissəsini çəkmək üçün təhvil verilməsi haqqında Konvensiya” üzrə səlahiyyətli orqanın təyin edilməsi barədə AZƏRBAYCAN RESPUBLİKASI PREZİDENTİNİN SƏRƏNCAMI 1. 1998-ci il 6 mart tarixində Moskva şəhərində imzalanmış "Azadlıqdan məhrum etməyə məhkum olunmuşların cəzanın qalan hissəsini çəkmək üçün təhvil verilməsi haqqında Konvensiya”nın Azərbaycan Respublikası tərəfindən həyata keçirilməsi məqsədilə səlahiyyətli orqan - Azərbaycan Respublikasının Ədliyyə Nazirliyi təyin edilsin. 2. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən Konvensiyanın Azərbaycan Respublikası tərəfindən həyata keçirilməsi məqsədilə səlahiyyətli orqan - Azərbaycan Respublikası Ədliyyə Nazirliyinin təyin edilməsi barədə Müstəqil Dövlətlər Birliyinin İcraiyyə Komitəsinə müvafiq bildiriş göndərsin. İlham ƏLİYEV, Azərbaycan Respublikasının Prezidenti Bakı şəhəri, 19 aprel 2005-ci il № 761
|